Na Kosipeli

se “Na I Tukutuku Vinaka”

 

Ko sa bau rogoca mada na Kosipeli? Oya na Kosipeli dina? Oqo e sega ni Kosipeli ka yavutaki mai e na vakasama vakatamata se mai na dua na matalotu, io na Kosipeli mai na Vola Tabu. Ko sa baurogocamadanaKosipelioqo? Sa bau duamada e wasea ka vakamacalataka vei iko? Na vosa na Kosipeli e vu mai ena vosa vaka-Peritania—theGospel;kakenaibalebalenai “Tukutuku Vinaka.” Nai Tukutuku Vinaka sai koya“ni sa mate na Karisito ena vuku ni noda I valavala ca me vaka na i Vola Tabu: ni sa bulu talega, ka ni sa tucake talegae nai katolu ni siga me vaka na i Vola Tabu” [1 Koronica 15:3-4].

​

Na i Tukutuku Vinaka … sai koya oqo: 

E A MATE NA KARISITO ENA VUKU NI NODA I VALAVALA CA

 

Me vukea na nomu kila vakamatata na I Tukutuku vinaka oqo, ena daumaka mo na rogoca taumada na tukutuku ca.A cava mada na vuna e a mai mate kina na Turaga oJisu Karisito ena kauveilatai? E tukuna na vosa ni Kalou, “E na vuku ni noda i valavala ca!” Noqu i tokani, na vuna mo rogoca ka vakabauta kina na Kosipeli, baleta ni ko tamata i valavala ca. 

 

Sa kaya na Kalou, “Dou yalo savasava; ni sa yalo savasava koi au” [1 Pita 1:16]. Nai vakatagedegede se cecere ni nona savasava na Kalou sa I koya na nona i Vunau [Vakaro e Tini]. “Ia sa savasava na i vunau, sa savasava talega na i vakaro, sa dodonu talega kavinaka” [Roma 7:12]. Ni ko voroka e dua mada ga na I vakaro ni Kalou, ko sa okati mo dau basulawa. “Ia ko koya ena muria na i vunau taucoko, ka sa cala ga e na tikina e dua bau ga, sa beitaki me vaka sa talaidredre ki na vunau kecega” [Jemesa 2:10]. Sa dina sara, ni taura ga e dua na caka cala me da sa okati kina me da tamata i valavala ca, io e da rawa ni vadinadinataka ni da sa vakayacora e levu sara nai valavala ca. E tukuna na I Vola Tabu “me vaka na ka sa volai, sa sega e dua sa i valavala dodonu, sa sega sara e dua” [Roma 3:10]; “ni sa I valavala ca ko ira kecega na tamata, ka ra sega ni yacova na ka e vakarokorokotaki [vakatagedegede ni bula savasava] kina na Kalou” [Roma 3:23]. 

 

E tukuni talega ena I Vola Tabu “ni sa sega ni raica ko Jiova me vaka sa raica ko ira na tamata; ni sa raica na ka e sau ko ira na tamata, ia sa raica na yalo ko Jiova” [1 Samuela 16:7]. E levu beka na veika vinaka era na tukuna baleti iko ko ira na wekamu, nomu I tokani se ko ira o ni veikilai, ia ni raica na Kalou na yalomu, e raica o koya ni ko tamata i valavala ca; baleta ni ko a sucu mai ena i valavala ca. “Oira na i valavala ca era sa lako cala voli mai na kete i tinadra: Era sa lako sese ka vosa lasu tiko mai na siga era sucu kina” [Same 58:3]; eda tamata i valavala ca baleta ni da sa I tovo ca. “Sa ka dauvevakaisini duadua na yalo ni tamata ka sa dredre ni vinaka: ko cei me kila rawa?” [Jeremaia 17:9]; e da sa tamata i valavala ca baleta ni da sa dau caka ca. “O koya sa ca kina vua sa kila me caka vinaka, ka sega ni kitaka”[Jemesa 4:17]; eda sa tamatai valavala ca baleta ni da digitaka me da caka cala. “Ia kokoya oqo era sa cudruvi kina, ni sa lako mai na rarama ki vuravura, a ra sa vinakata na butobuto ko ira na tamata, ka cata na rarama, ni sa ca na nodra i valavala” [Joni 3:19]. Me da kila deivaki tiko ni sa sega sara ni dua na ka eda rawa ni cakava me veisautaki keda. “Sa vakatanitaka rawa li na kai Iciopea na kulina, se na lepate na kena tavu tonotono? ke vaka kina dou na qai rawata mo dou caka vinaka, koi kemudou ka dau cakava ga na ka ca” [Jeremaia 13:23]. E rawa ni ko daramaka e tautuba na ka e rairai vakalotu, na cakacaka vinaka kei na bula savasava. Lewe vuqa era na qoroi iko ena veika era raica, ia nanuma tiko ni ko sega ni rawa ni na veisautaka na yalomu. “Ia keimami sa vaka na ka sa sega ni savasava koi keimami kecega; ka sa vaka na sulu qeleqelewa na neimami valavala dodonu kecega” [Aisea 64:6]. 

 

Na I sau ni valavala ca ena laurai ena bula oqo kei na bula sa bera mai. “Ni sa kenai sau ni valavala ca na mate...” [Roma 6:23]. Sa taucoko na nona veibuli na Kalou io na kena curu mai na i valavala ca sa kauta vata mai na mate vakayalo, “…a rau sa vunitaki rau e loma ni veikau ni were, ko Atama kei na watina mai na matani Kalou ko Jiova” [Na i Vakatekivu 3:8]; kei na totogi ni mate vakayago, “e na buno ni matamu ko na kania kina na kemu kakana, ka yacova na siga ko na suka tale kina ki na qele; ni ko a buli mai kina e liu ni ko sa kuvu ni qele” [NaiVakatekivu3:19]. Ia na I valavala ca ena rusa kina na tamata ki na mate tawa mudu — o ya na nona sa tawasei mai vua na Kalou me tawa mudu. E tukuna na i Vola Tabu, “Ia me vaka sa lesi me mate vakadua ko ira na tamata, ka me qai muri na siga ni lewa” [Iperiu 9:27]. Na veilewai oqo e sega ni laurai kina ke levu cake nai vakarau ni noda “cakacaka vinaka” mai na noda “cakacaka ca” baleta ni sega ni dua na i valavala ca e vakatarai me na curu ki Lomalagi, sa segai sara! “Ka sa sega sara e dua na ka eda vakasisilataka ena curu kina [Lomalagi], se dua e kitaka na ka ca, se daulasu: ko ira ga sa volai ena nonai vola ni bula ni bula na Lami” [A i Vakatakila 21:27]. Sa sega sara na i nuinui ena siga ni veilewai — ia na rusa tawa mudu ga. “Ia kau a raici ira era a mate, na tamata lalai kei na turaga, era sa tu ena matani Kalou; a sa tevuki na i vola eso: edua tani tale na i vola sa tevuki, a i vola ni bula … Ia sa biu kina drano bukawaqa ko koya yadua sa sega ni volai ena i vola ni bula” [A i Vakatakila 20:12,15]. 

 

Oqori na i tukutuku ca. O iko na tamata i valavala ca, ko se yali tu e na ca, ko na tawasei mai vei Karisito me tawa mudu. Mo vakavinavinaka vua na Kalou ena vuku ni Kosipeli se tukutuku vinaka! Ko Jisu Karisito e a mai mate ena vuku ni nomu i valavala ca. Na Kalou sa cata sara na nomu I tovo ca, ia sa ka levu na nona lomani iko. E sega ni rawa vua na Kalou me rai baleta na nomu i valavala ca se vakaiulubaletaki e dua na caka cala; na Kalou e gadreva vakalevu me vakabulai iko mai na drano bukawaqa, ka me kauti iko mai mo drau mai veiwekani vakavoleka sara. Na yalododonu ni Kalou, kei na nona loloma levu na Kalou, sa mai vakavatukanataki ena bula nei Jisu Karisito. “Ia na Kalou sa vakatakila na nona loloma vei keda ni sa mate na Karisito me noda i sosomi ni da sa tamata ca” [Roma 5:8]. 

 

Sa sega sara ni dua na nona caka cala na luve ni Kalou; “sa yalosavasava, sa yalovinaka, sa tawa ca, sa tawase tani mai vei ira na tamata i valavala ca…” [Iperiu 7:26]; “Okoya sa sega ni cakava e dua na ka ca…” [1 Pita 2:22]. Io na nona mai rube e na kauveilatai ko Jisu ena 2000 na yabaki sa oti,na Kalou na Tamana, “sa qisia ko koya me i soro ni noda I valavala ca” [2 Koronica 5:21]. Sa dina sara ni sa mai mate ena vukuda na Karisito, ka sa mai bokoca TAUCOKO SARA na noda i valavala ca, ka sauma TAUCOKO SARA na noda dinau. “Ni sa vakararawataki vakadua na Karisito talega ena vuku ni valavala ca, okoya na caka dodonu ena vukudra na caka cala, me kauti keda kina vua na Kalou, ni sa vakamatei na yagona, a sa vakabulai na yalona” [1 Pita 3:18]; “Okoya ga, vaka I koya ga, ka colata na noda I valavala ca ena yagona, a sa vakabulai na yalona…” [1 Pita 2:24]. 

Nai sau ni nodaivalavala ca e lavaka na Kalou mai vei keda sa i koya na dra na ni luvena lomanie dua bau ga. “Ia ka vica na ka sa sega ni vakasavasavataki ena dra me vaka na vunau, ia kevaka sa sega ni vakadavei na dra, sa sega ni bokoci na i valavala ca” [Iperiu 9:22]. Na nona dra talei ko Jisu sa rawa ni bokoca ka vakasavasavataki iko mai na nomu I valavala ca kece. “O koya eda sa rawata kina na bula sa voliena nona dra, io na vakabokoci ni valavalaca, mevakana nona loloma levu” [Efeso 1:7]; “ena vakatani evei na dra i Karisito, okoya ka vakacabori koya vua na Kalou ena vuku ni Yalo Tabu tawa mudu, ia ka sega vua na ca, ena sega beka ni rawarawa sara me vui laivikina na nomudou lewa — eloma mai na cakacaka sa ka ni mate, mo dou qarava na Kalou bula?” [Iperiu 9:14].

 

Ia, na i Tukutuku Vinaka sa i koya oqo… 

SA TU CAKE TALE MAI NA MATE NA KARISITO

 Evakaraitaka na I Vola Tabu ni Karisito “…okoya sa soli yani ena vuku ni noda i valavala ca, a sa vakaturi cake tale me da vakadonui kina” [Roma 4:25]. Kevaka e a mate ga ko Jisu, ka bulu, e na sega ni rawa me da kila kevaka na nona I soro e na vukuda sa taucoko me vakabulai keda. Kevaka se tu ga na I bulubulu na Karisito sa qai sega na kena duidui kei ira e ra tauyavutaka na veimata vakabauta mate eso ka ra sa mate yani io se tu ga na yagodra e nai bulubulu. Ia na i Vola Tabu sa tukuna vakamatata, “ko koya ni sa soli oti yani vei kemudou, me vaka ka nakita dina na Kalou ka lewa e liu, dou sa taura ka vakota kina kauveilatai ka vakamatea ena ligadra na tamata ca; ko koya sa vakatura cake na Kalou ni sa sereka na i vau ni mate; ni sa sega ni rawa me vauci tikoga kina ko koya” [Cakacaka 2:23-24]. 

 

Ena vuku ni nona tucake tale, eda sa rawa kina me da vakadonui ena mata i koya na Dauniveibuli. Ni da vakadonui ena matani Kalou, sa kena i balebale “E vaka sara ga au a sega ni bau kitaka e dua na caka cala.” “Okoya oqo, ni da sa vakadonui ena vakabauta, meda sa qai veivinakati kei na Kalou ena vuku ni noda Turaga ko Jisu Karisito” [Roma 5:1]; “Ia ni da sa qai vakadonui ena vuku ni nona dra, ena qai rawarawa cake meda vakabulai mai na cudru ena vukuna. Io, kevaka eda sa veivinakati kei na Kalou ena vuku ni nona mate na Luvena, ni da sa veimecaki ena qai rawarawa cake ni da veivinakati tu, me da vakabulai tiko ena vuku ni nona bula” [Roma 5:9-10]; “Meda vakadonui kina ena nona loloma walega ka meda yaco meda I taukei ni bula tawa mudu sa vakanuinuitaki” [Taito 3:7].

 

Noqu i tokani, sa matata li vei iko ni Kosipeli sa i koya na i “tukutuku vinaka!?” Na i Vola Tabu e kaya ni o Karisito… “o koya sa vakaotia na mate, ka vakavotua na bula, kei na tawa mate rawa ena i tukutuku vinaka” [2 Timoci 1:10].

 

A CAVA ME’U CAKAVA ME’U VAKABULAI KINA? 

E sega ni vinaka se taucoko ga mo wilika ka kila ni dina na i tukutuku oqo.EvosakoJisu, “ka kaya, Sa qai yaco na gauna, a sa voleka na matanitu ni Kalou; dou veivutuni ka vakabauta na i tukutuku-vinaka” [Marika 1:15]. Na veivakabulai vakayalo ni noda Turaga ko Jisu Karisito e loloma soli wale vei keda taucoko na tamata i valavala ca, ka dodonu me da ciqoma. “Ni sa kenai sau ni valavala ca na mate: ia sa i solisoli walega ni Kalou na bula tawa mudu, ena vuku i Jisu Karisito na noda Turaga” [Roma 6:23]. Kevaka ko gadreva mo vakabulai, e dodonu mo ciqomi Jisu Karisito me nomu I Vakabula: “Ia ko ira kecega sa vakabauti koya, sa solia vei ira kokoya me ra yaco rawa mera luve ni Kalou, vei ira sa vakabauta na yacana” [Joni 1:12].

 

Me na cakacaka yaco na nomu vakabauta na Kosipeli e gadrevi kina na nomu veivutunitaka na nomu I valavala ca kei na nomu vakabauta na nona Vosa. Na Veivutuni, e kena i balebale na veisau ni vakasama ka yaco kina na veisau ni vakarau. “E segai; ia kevaka dou sa sega ni veivutuni, dou na mate kinavakatalegakina”[Luke 13:3]. Na veivutuni sa i koya na noda saumaki lesu mai 180°. Kevaka ko sa muria tiko na sala rabai levu,ena “kautiikokinarusa,” ia e dodonu mo talairawarawa ka saumaki mai vei Jisu Karisito, ka curu ki na “matamata qiqo,” ni koro dodonu ka muria na sala raba lailai, “ko na basika ki na bula” [Maciu 7:13-14]. Na Vakabauta sai koya na nomu vakadinata na nona Vosa mai na vu ni yalomu – oqo na nomu rogoca na nona Vosa, ka ciqoma kavakayacora vakakina. “Niu  sa sega ni maduataka nai tukutuku vinaka kei Karisito: ni sai koya oqo na kaukauwa ni Kalou me vakabulai kina ko ira yadua era sa vakabauta...” [Roma 1:16].

 

Na Vakabulai vakayalo e ka ni yalo kei na gusu. “Kevakako na vakatusa ena gusumu, na Turaga ko Jisu, ka vakadinata ena vu ni yalomu ni sa vakaturi koya cake tale mai na mate na Kalou, ko na bula. Ni sa vakadinata na tamata ena vu ni yalona me sa vakadonui kina, ia na gusuna sa vakatusa kina me bula” [Roma 10:9-10]. Na vakatusa e na gusuda sa I koya na noda masuta na yaca ni Turaga Ko Jisu Karisito, ka ciqomi Koya me noda Turaga ka noda I Vakabula. “Ni sa bula ko ira vakayadua ga era sa masuta na yaca I Jiova”[Roma 10:13].

 

Noqu i tokani, kevaka ko sa wilika vakamatata sara na i vakamacala taucoko oqo, sa kena i balebale ni ko sa rogoca na Kosipeli. “Na taro e tiko sa I koya nacavako navakayacora e na vuku ni tukutuku ko sa mai rogoca?” Ko na vakabauta li se ko na vakasuka ka sega ni via vakabauta? E dua na veisureti bibi e sala vata tiko mai kei na Kosipeli oqo: “A sa kaya na Yalo Tabu, kei koya talega na watina yalewa, Lako mai. Me kaya talega ko koya sa rogoca, Lako mai. Ia me lako mai ko koya sa via gunu. Okoya sa vinakata, me mai gunuva walega na wai ni bula” [A i Vakatakila 22:17]. E rawa li ena gauna sara ga oqo, mo lako mai vei Jisu Karisito me vaka sa volai e nai tukutuku oqo ka ciqomi Koya me nomu I Vakabula?

 

ESO NA I VAKARO ME NANUMI

• ­ E tiko e dua e na saga vagumatua mo kua ni rogoca se vakabauta na Kosipeli oqo. Wilika mada na: 2 Koronica 4:3-4.

• ­ Sa levu sara na Kosipeli vakailasu ena gauna oqo ka veibasai sara se veicoqacoqa kei na Vosa ni Kalou. Wilika mada na: Kalatia 1:7-9.

• ­ Sa vakamatata taki tu e na I Vola tabu na rerevaki ni sega ni ciqomi nai tukutuku vinaka. Wilika mada na: 2 Cesalonaika 1:7-9.​